Bu şən obaların, bu şad ellərin,
Ən gözəl dövranı, Əldərədədir.
Azad ölkələrin, abad ellərin,
Cənnəti-rizvanı, Əldərədədir.

Hər şəhər yerinin, hər kəndistanın,
Mehri rayonunun, Azərbaycanın.
Bütün yer üzünün, cümlə-cahanın,
Ən xoşbəxt insanı, Əldərədədir.

Bəzənib, düzənib gəlin sayağı,
Bir kənddir, olubdur, ellər mayağı.
Valeh olar kimin düşsə ayağı,
Gözəllik məskəni, Əldərədədir.

Evləri görkəmli, yaraşıqlıdır,
Eyvanları güllü, sarmaşıqlıdır.
Əlvan çıraqları gur işıqlıdır,
Nurlar çıraqbanı, Əldərədədir....

(İmam Əliyə işarədir)
Araz desin laylasını,
Tanrı versin duasını.
El unutmaz obasını,
Əli olub, Əldərədə.

Kürə düzü dönüb düzə,
Kədər, qüssə çöküb üzə.
Niqabını örtüb üzə,
Tənha qalıb, Əldərədə.

Tas alması, tasda qalıb,
Yolu, izi pasda qalıb.
Yaylaqları yasda qalıb,
Bağlar qalıb, Əldərədə....

Bu gün yetmiş igid daşa dönərək.
Öz dogma kəndinə görüşə gəlib.
Kim deyər,cəbhədə onlar ölüblər,
Deyərdim hər biri göyə yüksəlib.

Neçə il qovrulub qəmdə Aldərə,
Həsrət yaşayıbdı şadlıga,toya.
Toy məclisi neçə nişanlı gəncin
Bir qara kagıza çevrilib vaya.

Donub yanaqlarda həsrət yaşları,
Nişanlı olanlar qocalıb bu gün.
Birləşib məzarlar,qəbir daşları,
Abidəyə dönüb,ucalıb bu gün....

Qaladaşı,sən hər yerdən ucasan,
Dünya görmüş,ömür sürmüş qocasan.
Aldərəyə üstdən baxan bacasan,
Söylə görək,burda nələr olubdu,
Kənd neçə yol boşalıbdı,dolubdu.

Başın üstə qaplanların dolaşıb,
ətəyində canavarlar ulaşıb.
Neçə igid öz qanına bulaşıb,
Sən yerində dayanmısan mərdana,
Sən tək oğul yetışdirər mərd ana...
Daşlarında yuva qurarkedigar,
Sən qalmısan əsrlərdən yadigar.
Dördyanında Kəlbeyvazın izi var.
O, dövrəndə neçə-neçə qoç kəsib,
Könlüm səni görmək üçün tələsib....

Yolunu sal dərəyə,
Gülləri al dərəyə.
Cənnət görmək istəsən,
Qonaq gəl Aldərəyə.

Bu dərə Aldərədi,
Daşları sal dərədi.
Mənim Məkkəm, Mədinəm,
Kəbəm də Aldərədi.

Keçginən al dərədən,
Gülləri al dərədən.
Könül həsrət, göz yolda,
Xəbər yox Aldərədən....

Qazax diki göz yaşların hardadır?
Qala daşı borandadır qardadır.
Aldərənin igidləri hardadır?
Vətən dərdi məni yaman sıxıbdır.

Ağlama Kar daşım, qan qusar qəlbim,
Kəndimin çayına qarışmaq üçün,
Duz töküb öpərəm dağ ayrımından,
Yalvarıb kəndimlə barışmaq üçün....

İndi Xəllərgədə lalə qızarıb,
Xaş-xaş qalxıb yolu izi basırıb,
Qoşa palıd təklənibdir tək qalıb,
Yaylaq dərdi məni yaman sıxıbdır.

Çolan çayı laylasını bitirib,
Kəvən qalxıb cığırları itirib.
Digay-Dırbıstana xəbər göndərib,
Yaylaq dərdi məni yaman sıxıbdır.

Gəncəcürdə qındırçalar uzanıb,
Atanım yox kəkliklərim çoxalıb.
Əkənim yox zəmilərim boş qalıb,
Yaylaq dərdi məni yaman sıxıbdır....

Vaxtdır, daha heç kəsə minnət etmərəm.
Yaşın hökmüdür, istəmirəm övlada əzab verəm.
El dərdi çəkən olmuşam, indi fərsizəm,
Sizədir vəsiyyətim, əgər mən dünyamı dəyişsəm,
Qəbrimi qoymayın, qürbətdə qalsın,
Küsər Ağa nənəm,
Küsər Aldərəm.

Haçan darda olsanız, yuxuda harayınıza gələrəm,
Ölsəm haray salıb ağlamayın, inciyərəm.
Inanın o dünyada da haraya çatan Cəmşidəm,
Doyunca suyun içib, havasın udaram, vətəni görsəm,...

Hərdən ki, dağı aranı salıram yada,
Musiqi zövq verir yaşayıb yaradana.
Həmişə musiqidir çatan imdada,
Ağlayan üçün musiqi milyona dəyər.

İndi gəzib dolanıram, nə isə çatışmır,
Tez qocaldım yaşamaq canıma yatmır.
Yaş keçi, gün daralır, ömür qurtarır,
Musiqiyə qiymət min bir loğmana dəyər.

Deyirlər ki, səbr et, Allah kərimdir.
Doğrusu, mən səbr edirəm, ömür tükənir....

Qarbaçov “yenidən qurdu” dövləti,
"Dığalar" yaraqlı, saqqallı oldu.
Dünənki yaltaqlar, qab yalayanlar,
Kremlə söykənib, yaraqlı oldu.

Dünənki kəl otaran, donuz saxlayan,
Əlində avtomat dayanır indi.
Gerovkov, Kororyan, Zori Balayan,
"Qarabağ" deyərək bağırır indi.

Arı beçə verib ana axtarır,
Anasız dayçalar arxada qalıb.
Nənəmin cəhrəsi, dişli darağı,...

Pişpişə Çeşmədə kəsəsən quzunu,
Şişlərdə kababın səpəsən duzunu,
Əlidərənin yeyəsən narını üzümünü,
Çıxardasan düşməninin gözünü,

Vətən qaldı, torpaq qaldı,
Canım aldı, qanım qaldı,
Vətən qaldı, viran qaldı,
Bizim qayıtmağımız yalan oldu,

Tasda yeyəsən qırmızı alma,
Yaylaq əldən gedib, qeydinə qalma,
Əlidərənin sorağını quşlardan alma,...